Whakahaumaru me te whakarauora i tō tātou taiao

Kei te tere te whakawhanake o tō tātou tāone nui, inā noa atu ētahi wāhanga o Tāmaki ki te Rāwhiti, ā, me whakarite kāore te whakawhanaketanga e tae mai i runga i te kino ki te taiao. Ki te whakangao tika ki te punahahanga ka whiwhi tātou ki ngā tātahi me ngā arawai mā, ā, ka whakakore i te waipuke.

He haepapa tō tātou kia kaua e whakahaumaru noa iho i te taiao, engari ki te whakaora anō. Kei te tūao ngā tāngata nō ngā rohe ki te āwhina, me āta tautoko me te whakarite kia whai wāhi te kaunihera i ēnei tāngata me ēnei rōpu.

Taku moemoeā mō tō tātou taiao

Kei te pīrangi au ki te noho ki tētahi Tāmaki ka noho pokapū te kaitiakitanga ki tō tātou tauoranga. Kua whakatutuki tātou i ngā putanga waro kore mā ngā mahi whai kiko, tūturu hoki ki te taumata ā-takiwā, ā-rohe hoki.

Ka haere tonu ngā whakawhanake whenua huri noa te tāone nui e whakawhanake ana ki te āhuatanga toitū me te aronga anamata, ā, ko ngā whakataunga e whakaritea kia whakaiti i te whakaaweawe ki te taiao i te wā hanga, ā muri mai hoki.

Kua rite tō tātou tāone nui mō te panoni āhuarangi mā te punahahanga manawaroa me ngā mahere pakari hei urutau ki te pikinga o te taumata moana me ngā takunetanga huarere taumaha.

He kaupapa here whai kiko hei whakatutuki i tēnei

  • Ko te whakamahi kia āhei te kaukau ki ngā tātahi katoa mā te whakangao ki te kounga wai me te punahahanga wai āwhā.

  • Te whakaiti i te whakaaweawe waipuke mā te whakareri i ō tātou tiriti me te punahahanga kia āhei te haere tonu ahakoa te whakapiki o ngā takunetanga huarere taumaha e puta mai ai i te panoni āhuarangi.

  • Kia wawe te mahi ki te whakapōturi, ā, ina āhei ana, aukati i te horo whenua oneone me te paripari hei whakahaumaru i ō tātou wāhi matomato, whenua ki te tapātai.

  • Te whakamanawa me te tautoko i ngā kaupapa whakatō e ārahina ana e te hapori me te kore riha, ā, whakarite kia rurukutia tahitia me ngā hinonga e ārahina ana e te kaunihera.

  • Whakaitia te whakawhirinaki ki te ehuehu matū ki ngā pāka mā te whakamahi i ngā pūrere me ngā kaupapa kē.

  • Te whakahaumaru i ō tātou koiora taketake mā te whakanui i te tautoko mō te kanorau koiora me te whakahaere riha, ā, kia āta whai wāhi ngā rōpū hapori me ngā tūao ki te hanga i te whatunga whānui.

  • Whakarite kia whakamutua te whakatikatika pāka māngere mā te whakapūmau i te pono o ngā kaikirimana me te whakauruhi i ngā hāmene i whakaaetia ki ngā kirimana (hei tauira he hāmene).

  • Whakahaumarutia ō tātou pāka kei hokona, kei te tipu tō tātou hiahia kia whai wāhi matomato i a tātou e whakawhanake ana.

  • Whakatere ake ngā ketuketutanga me ngā whakatikatika o te whakamakere rāpihi turekore kia whakarite e whakawātia ngā taihara, ā, ka whakatikatikahia te taiao.

  • Whakarite ka whakahokia e te Kaunihera ngā miriona i utua ki te whakatikatika i te rāpihi whakamakere turekore i te hunga nō rātou te hē.

  • Āwhinatia kia whakaiti i ō tātou putanga waro me te parakino hau takiwā mā te hoko i ngā pahi hikohiko.

  • Whakatinanatia te mahere whakaeaea, engari tūturu kia waro ngū i mua i te tau 2050, tae atu ki te whakaarotau i te ikiiki e kokomo ana i te 40% o ngā putanga o te tāone nui.

  • Whakaratoa te māramatanga pai ake ki ngā tono whakaaetanga rawa taiao me te whakarato i ētahi atu kōwhiringa mō ngā tāngata nō ngā rohe kia ngākaupai te whai wāhi i mua i te whakarite whakataunga.

  • Whakanuitia te whakangao ki te mahi taiao mā te whakarewa i ētahi atu pūtea mā ngā tikanga pūtea kē pērā i ngā Pukapuka Here Whakangao Kākāriki tino angitu i whakarewa ai i te $200 miriona me te $150 miriona i roto i ngā whiringa e rua.

News and views on the environment