He Reo Kaha mō te Hapori

Ka whakahaeretia e te Kaunihera o Tāmaki te whakapau moni e whakatatahia anake e te kāwanatanga ā-motu, arā, he piriona ki te tahua whakahaere, ā, neke atu ki te whakangao moni tōpū.

He haepapa whakahirahira tō ngā kaikaunihera me te Koromatua mō ngā whakataunga e whakaaweawe ai ki a tātou mō ngā tekau tau haere ake nei.

Engari, ko ngā kawepūrongo e kīkī ana i te tautohetohe, te hawene, me te kore tae atu ki ngā hui me ngā awheawhe.

Me whakaraupapa, me ngākaupai te mahi a tō tātou tira mana whakahaere. Kua tū wehewehe te kaunihera i ō tātou hapori, kāore i te kite i ngā take me ngā kōwhiringa ā-rohe.

He maha ngā wā he uaua te kōrerorero ki te kaunihera, me whai mōhiotanga hangarau me te wā nui e whakapāhunu ana i te whakahoki kōrero.

Mā te whatinga kōrerorero ki te kaunihera e whakaaro ai ngā kainoho kua wareware rātou, ā, kei te matekiri.

Taku moemoeā mō ō tātou hapori

Kei te pīrangi au ki te noho ki tētahi Tāmaki ko te aro-rohe kei te pokapū o te whakahaere kaunihera, e whakamana ana me te whakarongo ki ō tātou hapori.

Ka mahi tahi te kaunihera me ō tātou hapori ki te rangapū pono ki te tautoko me te whakamana i a rātou, mā te whakarato i ngā rawa mātanga me ngā pūkenga ki te whakarato i ngā mea e hiahiatia ana e ō tātou tāngata.

Ahakoa te rahi nui o te tāone nui, ka rangona, ka arohia hoki ngā reo ā-rohe me ngā whakataunga e whakaritea ana kia tautoko i ngā hapori.

He tāone nui kākano maha, kanorau hoki, e whakakotahi ana ki te tautoko i a tātou me te whakanui i ō tātou rerekētanga.

He kaupapa here whai kiko hei whakatutuki i tēnei

  • Tonoa kia pono, kia haepapa hoki te kaunihera, māku e pupuri aku hoa kaikaunihera me te koromatua ki te paerewa teitei.

  • Me ngākaupai te mahi tahi ki ngā rōpū katoa (ahakoa he aha te hononga tōrangapū) kia whakatutuki i ngā hua pai.

  • Whakaratoa kia tuwhera, kia pono te whakawhitiwhitinga kōrero mō ngā whakataunga kaunihera, ā, e pēhea ana te whakaaweawe ki tō tātou hapori.

  • Whakapai ake i te pae tukutuku ki te whakarato mōhiohio ki te tūmatanui i te āhuatanga ngāwari me te māmā te whakauru, tae atu ki ngā hononga pai ake mō ngā poari ā-rohe me ngā kōwhiringa ki te ohauru ki ngā matohi.

  • Kia whai wāhi tō tātou hapori kia rangona, kia arohia ō āwangawanga me ō whakaaro ki ngā whakapāpā ōkawa me ngā whakapāpā ōpaki.

  • Aukati i te putanga anō o ngā take pērā i ngā take o Stockade Hill mā te whakapai ake i te whakawhitiwhitinga kōrero i waenga i te kaunihera me te hapori.

  • Whakarite kia rangona te reo o Tāmaki ki te Rāwhiti ki te kaunihera, ā, ka arohia.

  • Werohia ngā Tōpūtanga Whakahaeretanga Kaunihera (CCOs) kia haepapa ake, kia whakararata ake ki te tūmatanui me ngā mema i pōtihia.

  • Whakaratoa te māramatanga pai ake ki ngā tono whakaaetanga rawa taiao me te whakarato i ētahi atu kōwhiringa mō ngā tāngata nō ngā rohe kia ngākaupai te whai wāhi i mua i te whakarite whakataunga.

  • Awhiawhi i ō tātou tāngata kākano maha, kanorau hoki, mā te tautoko me te whai wāhi o te whānuitanga o ngā hapori.