Te whakarato pū i te ikiiki.
Kei te pīrangi au ki te noho ki tētahi Tāmaki e whiwhi ana tātou ki te tino whānuitanga o ngā kōwhiringa ikiiki, tae atu ki te ikiiki tūmatanui, momo oi, me ngā waka tūmataiti.
Kei whai i te whakatikatika rahi-ōrite-mō-te-katoa, engari kē ka kaha whakangao ki te punahahanga e tautoko ai i ngā tāngata e kōwhiri ana i te kōwhiringa pai mā rātou.
E whakahikotia e ngā pahi hikohiko me ngā tereina, me haepapa, me kaua e nui rawa te utu o tō tātou ikiiki tūmatanui hei whakarite i te rahinga tāngata maha ki te whakawhiti pai i te tāone nui me te iti o te whakaaweawe taiao.
Kua tūhono mātou i te whatunga o ngā huarahi paihikara me ngā huarahi hīkoi kua whakawehea ōkikotia e tuku ai ngā tāngata ki te whakamahi haumaru i ngā momo oi, inā noa atu ki ō tātou kura.
Mō rātou e hiahia ana, e kōwhiri ana rānei, ki te taraiwa, he haumaru ngā rori, ā, e taea ai ngā wā haere te matapae.
Kua whakaiti tātou i te kōpā ikiiki, e whakawātea ana i ngā piriona ki te whaihuatanga ngaro, ā, kua whakatutuki i Vision Zero me te kore o ngā mate me ngā whara ā-rori.
He pai te whakahaeretanga o Tamaki Makaurau
Kei te pīrangi au ki te noho ki tētahi Tāmaki e whiwhi ana tātou ki te punahahanga, te taiao me ngā tāngata hei tautoko i tō tātou tāone nui e tipu tonu ana.
Ko ō tātou kaikaunihera, te koromatua me ngā poari ā-rohe ka mahi tahi kia whakatutuki i te tino hua mō Tāmaki mā te āhuatanga tuwhera me te mārama.
Kua whakahouhoutia te pūtea kāwanatanga ā-rohe, ā, kāore te kaunihera i te whakawhirinaki anake ki ngā kaiutu reiti, e āhukahuka ana i te tāpaetanga nui a ngā rohe ki te ōhanga ā-motu.
Kua whakakorehia te whakamoumou i roto i te kaunihera nā reira e whakawāteahia ai ngā pūtea ki te whakangao ki te punahahanga e hiahiatia ana e tātou, ā, kia whakaaweawe, kia māia anō hoki te whakarato i ngā ratonga waiwai.
He mahere mo te wa roa mo nga hanganga me nga whare ki Tamaki Makaurau. Ka whai whakaaro a maatau mahere ki nga paanga taiao, paapori me nga paanga putea o te marara, me te aro ki te whakaputa i te pai o te kaha me nga paerewa hoahoa kia noho mahana me te whakamarie nga kaainga.
He Reo Kaha mō te Hapori.
Kei te pīrangi au ki te noho ki tētahi Tāmaki ko te aro-rohe kei te pokapū o te whakahaere kaunihera, e whakamana ana me te whakarongo ki ō tātou hapori.
Ka mahi tahi te kaunihera me ō tātou hapori ki te rangapū pono ki te tautoko me te whakamana i a rātou, mā te whakarato i ngā rawa mātanga me ngā pūkenga ki te whakarato i ngā mea e hiahiatia ana e ō tātou tāngata.
Ahakoa te rahi nui o te tāone nui, ka rangona, ka arohia hoki ngā reo ā-rohe me ngā whakataunga e whakaritea ana kia tautoko i ngā hapori.
He tāone nui kākano maha, kanorau hoki, e whakakotahi ana ki te tautoko i a tātou me te whakanui i ō tātou rerekētanga